..؟
قلت انا مغربية.. والمغرب بلادي
به ديما نعتز وفيه كل مرادي
ملي نشوف علامو يرفرف
ينبض معاه قلبي وفؤادي
يخفق ملي نشوفو في كل البلاد
طالع فسماه يلالي
هداك..هداك هو علم بلادي
طبيعتك الي ماليها مثيل
تغري وتخلي كل واحد يجي جاري
جبالك..بحورك ..وصحاريك
ولا ثلوجك الي فالاطلس
ناصعة براقة تضوي وتشالي
عروسة فتانة انتي يا بلادي
بارزة بين المتوسط والاطلسي
فيك رجايا وفيك تكبر امالي
منقدرش نتخلى عليك يا بلادي
يا ارض بويا وجدادي
بخيرك انا موجودة
وعطفك عليا غالي
املي فيك يكبرا يوم بعد يوم
وبك نحقق حلمي ونبلغ مرادي
واخا نبعد ونتسارى ونشوف
نرجع عطشانة ليك يا بلادي
بحالك مالقيت مثيل
وحضنك ديما دافي
الله يعزك يا مغرب
يا ارض الجود والكرم والخير
يا ارض بويا واجدادي
فيك نعيش ويترباو ولادي
نعيا نوصف ليكم
منقدرش نوفي حق بلادي
يكفي نقول ليكم اني مغربية
وفمغربيتي كل الفخر
وكل الاعتزاز ديالي
الأحد أبريل 17 2011, 10:03